Thursday 28 de March de 2024

Galicia regresa a Londres para promover o Xacobeo na Feira Internacional World Travel Market


— Unha representación galega visitou hoxe a feira na que a oferta turística da comunidade está presente dentro do espazo de Turespaña

— Representantes institucionais e do sector mantiveron encontros comerciais nunha das principais citas da industria turística a nivel mundial

Unha representación galega visitou hoxe o expositor no que Galicia participa en Londres no marco da feira internacional World Travel Market, unha das citas de maior importancia da industria turística a nivel mundial, que se celebra esta semana en Londres en formato híbrido.

A promoción internacional do Xacobeo centra a oferta de Galicia na feira, presente dentro do espazo de Turespaña, na que tamén se dan a coñecer os diferentes recursos turísticos do noso territorio. Ademais, o expositor conta cun lugar de traballo para atención de citas e encontros compartida co Clúster Turismo de Galicia a fin de establecer contactos comerciais con operadores e empresas de servizos turísticos británicos e doutros países presentes na feira e potenciar a comercialización dos produtos que ofrecen as empresas turísticas galegas.

Durante a súa participación na World Travel Market, representantes institucionais e do sector en Galicia puideron establecer contacto con representantes turísticos doutras comunidades españolas, ademais de asistir á recepción na Embaixada española en Londres.